Riba pleno Diahuebs Santo polis a presenta cu urgencia den Elleboogstraat, na altura di ex-Hotel Central pa un problema di pareha. Ta for di algun tempo caba cu cos a caba entre e pareha aki. Un banda no a keda contento y no por acepta cu “cos a caba.” A start un discusion basta fuerte den e parkeerplaats cerca di ex-Hotel Centraal cu a termina na kibrament’i boter y hasta boksmento.
Na prome instante a ricibi informacion cu ta homber tabata persigui e hende muhe. A resulta net lo contrario. E ex-pareha den e March a staciona tras di e homber su auto y no kier a move.
E homber a rabia di tanto pidi su ex-pareha pa hala su auto y a bay over na kibra un boter den glas di auto y reverse auto y accidenta intencionalmente den e ex-pareha su auto. Por lo menos tres pa cuater biaha el a reverse, dal contra e auto y bay bek dilanti. Na yegada di polis, el a conta e agentenan cu: “nada no ta pasando, ta djis un problema di pareha”. Polis a tuma tur informacion necesario den e caso aki.
