Un rato pasa den area di hotel a atraca un pareha turista Mexicano. Dos atracado a saca arma blanco riba nan y asina bay cu nan pertenencianan.
E turistanan a bay pa subi nan auto, un Hyudai blanco, na momento cu dos homber a sali desde e matanan. E hombernan aki a bisa e turistanan pa duna nan placa como cartera of ta hinca nan. E turistanan a spanta y a duna e atracadonan e cartera marca Dior, unda nan tabatin nan placa y carchi di banco. Tambe a bay cu yabi di e auto
Polis tin descripcion di e dos atracadonan y a cuminsa cu un buskeda den e area di hotel. Un di e hombernan ta bisti cu t-shirt blanco y short preto, mientras cu e turista masculino no por a bisa con e otro tabata bisti.
E atraco aki a tuma luga rond di 8:25 pm. E turistanan a acerca un persona pa asina por a yama polis pa informa di loke a pasa.
