Un homber den e area di Paradijs tabata lastra sushi den baki y crusa caminda benta esaki den mondi of tereno banda di Centro di Barrio Playa Pabou.
Esaki ta algo cu el a hasi mas cu un biaha. Tabata benta un cantidad, bolbe bay na e cas y djey atrobe crusa e caminda pa yega na e tereno. Pa colmo net caminda cu e ta pasa tin un borchi basta grandi scirbi cu ta prohibi pa tira sushi.
Parce cu e persona aki no ta biba na e adres unda e sushi tabata wordo recohi. Mas bien e ta hacienda un fabor pa esnan di e cas unda e sushi ta.
A tira sushi di cas cu saco y tambe a tira matanan seco etc. Kizas ta bon pa esnan cu ta biba na e adres, cu ta conoci pa nos, bay bek recohe e sushi y benta esaki den e bari te ora e compania pasa recohe. Ban tene Aruba limpi.
Esnan di Centro di Barrio a pone hasta cadena pa evita entrada pa tiramento di sushi. Asina mes na pia e persona tabata crusa den dia cla diadomingo y tira e sushinan den mondi.
E cas unda e persona tabata coy e sushi bay tira den mondi no ta su cas. E persona cu a tira sushi ta biba dos cas mas pariba. Nan a usa e persona pa tira e sushi den mondi.
