Aruba Bank, ta partner orguyoso di SMAC y ta sostene e celebracion di e di 65 edicion di Carnaval. E banco pionero di Aruba, y e unico cu ta carga nomber di nos isla, ta un di e patrocinadonan principal di Aruba su Carnaval, y ta kere firmemente den promove nos cultura atraves di mas participacion, mas creatividad, mas luho y mas ambiente den Aruba su Carnaval 65.
E prome evento di aña tabata e gran Parada di Flambeu, caminda cu Aruba Bank a habri parada cu su lema pa 2019 “Nos ta Carnaval”. Aruba Bank a parti diferente regalo pa e publico para na banda di caminda.
Parada di Flambeu ta keda e parada mas grandi di nos Carnaval, cu un participacion di miles di persona.
Aruba Bank kier felicita SMAC (Stichting Maneho di Aruba su Carnaval) cu e prome gran evento di aña, e Parada di Flambeu.
