Un rato pasa polis a bay atende cu un homber bou influencia di un of otro substancia na altura di Well Done Snack na rotonde Las Americas. Ta trata di e conocido Carlito Stabilize Isei, cu ta biba riba Congoweg na San Nicolas.
Carlito kier a bay di biahe, pero a opta pa purba bula cura di aeropuerto, e no a ripara cu den ora di anochi no tin vuelo mas.
E tabata den su mundo di fantasia. El a conta cu el a pasa bon, polis a topa cu ne riba Linear Park, e tabata ‘way out’, casi e no por a para riba su pianan.
A detene y transport’e pa warda di polis caminda e lo sosega su curpa te mainta. E no por gaña, polis a dun’e un chens pa hib’e cas, pero e tabata asina halto cu e no por a bis’e polisnan, na unda e ta biba. Pa awo, el a perde su vuelo, a keda tera y a haya un cabey boto pa warda di polis.
