Supuestamente awe mester tabatin un decision di Hof den e caso penal contra e fisioterapista Rudy Carti. Sinembargo no a yega na e punto ey. Casi un luna pasa Hof a trata e caso cu a bay den apelacion. Corte den Prome Instancia a condena e fisioterapista y a dun’e un castigo di dos aña, di cual un aña ta condicional, c’un tempo di prueba di dos aña y pa cuater aña e no por eherce e profesion di fisioterapia. Esey tabata na october, 2021.
Esey tabata pa motibo cu a declar’e liber den cuater di e acusacionnan. Esaki tabata e punto cu nan no por a bay di acuerdo cu ne y a dicidi di apela. Den Hof e acusado a presenta cu un otro abogado, mr. Helen Lejuez, kende hopi largo a papia di duda den declaracion di e denunciantenan y pa cual e ta kere cu mester scucha testigo prome cu por sigui cu e tratamento bek den Hof.
El a crea suficiente duda cerca e tres huesnan cu a dicidi cu ta pospone e caso pa scucha cinco testigo. Ta bay pasa e proceso aki y despues lo bini bek den Corte dia 21 di november awo.
Pa mas lesa TREMPAN.
