Hefe di Recherche Rinaldi Tromp a bira hopi malo na su cas na Pos Chikito net prome cu merdia. Alarma a wordo bati, caminda cu a pidi un ambulance cu urgencia. Ultimo tempo e tabata tin basta presion riba dje, como tambe pa motibonan familiar y tur cos ta bay riba dje. Esey probablemente el a bira malo y haya un ataca inespera. Personal di ambulance a keda traha cune na cas y despues hibe hospital. Polis a habri caminda pa asina transporta e persona cu urgencia, caminda cu el a wordo ricibi y dokternan a cuminsa atende cun’e mesora. Na e sitio, comisarionan y hefenan di polis tabata presente, pa asina mira e situacion cu e colega tabata aden e momento ey. Ta desea Rinaldi Tromp un palabra di recuperacion y su coleganan na Cuerpo Policial ta pendiente di dje.
