E siman nacional di Arte na Hulanda ta di 10 te cu 18 di November, caminda tur museo y galeria relevante ta participa, ta culmina cu e Atelierweekend Nacional.
Dia 17 y 18 di November mas cu 400 ateliers di artista profesional di henter Hulanda lo ta habri pa e publico interesa.
Gustave Nouel pintor di Aruba estableci na Hulanda, ta invita pa participa como artista profesional cu maximo reconocimiento (=‘pro-lid’), na e Atelierweekend nacional aki. (www.gustavenouel.exto.nl)
Su atelier na Deventer (Ramelestraat 6h) lo ta habri pa publico, diasabra 17 y diadomingo 18 di November di 12:00 te 5:00pm. E dianan aki bishitantenan lo tin oportunidad pa laga Nouel traha un ‘quick-sketch’ di nan. Entrada gratis.
