Diasabra cuminsando for di 6:00pm, publico a aglomera den Carnival Village pa atende e X-Man Celebration, di Gobierno di Aruba pa Xander Bogaerts, cu sosten financiero di Aruba Tourism Authority, Aruba Airport Authority, Setar y Elite Productions. E pelotero di Boston Red Sox tabata hunto cu su famia, pa acepta saludo y felicitacion pa su di dos campeonato mundial den Baseball.
No por keda sin menciona cu riba red social, e “highlight” di e anochi tabata discurso di Minister Chris Romero, cu a referi na Xander como Xander Croes. Obviamente tabata un eror, pero cu a ricibi hopi critica den Carnival Village mes como riba Facebook. A imagina cu siendo un Minister di San Nicolas, cu e lo no por a comete dicho eror.
Xander Bogaerts lo permanece algun dia na Aruba pa descansa poco, prome cu e siguiente periodo cuminsa. Gobierno a bisa di lo kier papia cune riba posibel acuerdonan pa hunto desaroya facilidadnan deportivo na Aruba, igual manera cu e peloteronan di Corsou ta haci na nan isla natal. Minister Dangui Oduber a referi na combersacionnan den pasado caba cu e pelotero, den cual a planta e idea aki.
Tabatin entretenimiento musical di Massive Brassband, Claudius Phillips & OREO, Le Groove y Jeon.
