Fruver Paradera ta invita su clientela y pueblo di Aruba en general pa su gran feria di fruta – y berdura fresco. Tambe nan lo tin un gran variedad di juice di fruta y productonan delicioso.
Tur siman Fruver ta haya na berdura y fruta fresco. Aki bo por haya mango, pineapple, mango, patia y asina tin mucho mas. Mislydy Perez, Propietario di Fruver Paradera, situa na Paradera 151, a indica cu e fin di siman aki y tambe e siguiente fin di siman nan lo tin un Feria di Fruta. Tur fruta ta fresco for di e camponan di Colombia ta na e fruteria.
Si bo ta desea di haya un awacati pa bo come den bo salada of solamente un slice, na Fruver bo mester ta. Den e koeler ta haya e promenton, fresco fresco.
Fruver ta habri tur dia, di dialuna pa diasabra, for di 7:30am te cu 7:30pm. Si ta un dushi batido bo ta desea, pasa na Fruver busca bo batido fresco fresco. Tur nan productonan ta fresco cu ta yega tur siman for di Colombia. Fruta exotico fresco for di Colombia tambe ta obtenibel aki na Fruver.
Fruver tambe ta traha hunto cu nos agricultornan local, unda cu nan ta cumpra varios producto, cultiva aki na nos isla mes.
Juice di fruta natural tambe ta obtenibel na Fruver. Por ehempel si un mainta bo no tin mucho tempo pa traha bo juice fresco, pasa na Fruver Paradera unda cu bo por haya e fruta cla, corta caba. Di e manera aki bo por tin’e cla pa bo traha bo juice di fruta fresco ki ora cu bo kier.
Algo hopi importante ta cu Fruver Paradera ta bende, no solamente cu e clientenan cu ta bishita su tienda, pero tambe por mayor. Es decir, nan ta bende tambe cu e comerciantenan.
Tambe por haya productonan deriva di honing, directamente for di e apicultor na Colombia.
Asina tambe nan ta trece un pida chikito di Colombia pa nos hendenan local.
Pasa na Fruver Paradera y wak e surtido grandi di fruta y berdura cu nan tin pa ofrece.
