Si tira un bista riba e condicion cu tin cu cumpli cu ne cual t’e reduccion di 60 miyon florin den cuadro di e condicionnan p’e fiansanan di e ayudo di likides di Hulanda, aña pasa a logra yega na 41.5 miyon florin y no ta yega 60 miyon manera cu a indica den diferente ocasion caba, esaki segun director di AZV, ir. Edwin Jacobs
AZV a presenta su analisis na gobierno y CFT caminda cu a mustra cu basicamente no tin espacio pa recorte structural grandi den e sector. Cada recorte cu realisa ta exigi asina tanto esfuerso cu ta cuestiona si ta bal la pena tur e esfuerso grandinan ey.
Na su luga e ora AZV a presenta e cuadro financiero multianual cual gobierno a encarga cu e tarea pa desaroya esaki. E ta den desaroyo pa presenta na Hulanda pa reemplasa e acuerdo di e condicion di 60 miyon florin. Na final di dia e meta ta pa controla y canalisa e crecemento di gasto di salud den e proximo añanan.
Sesenta miyon tabata un forma pa logra algo asina, pero tambe un cuadro financiero multianual tambe ta duna e mesun instrumento. Cambia instrumento pero cu e mesun meta. Esey t’e intencion, segun Jacobs. Un instrumento cu sa cu ta bay yuda mucho mas cu e 60 miyon cu ya a kere cu a yega e limite.
