Diaranson Hulanda a recorda e victimanan di e di Dos Guera Mundial como tambe e otro guera- y misionnan. E conmemoracion a tuma luga riba de Dam, unda cu a mantene silencio pa dos minuut.
Tabata na momento cu e diferente ministernan a toca nan turno pa pone e krans riba de Dam, cu e presentado di NOS a confundi e nomber di Minister Plenipotenciario, mr. Juan Ady Thijsen, cu esun di ex-Minister Plenipotenciario, Guilfred Besaril.
“Nos mester recorda humanidad.” Tabata un mensahe importante cu e historiado y presentado Dieuwertje Blok a bisa diaranson anochi durante su discurso den Nieuwe Kerk na Amsterdam, sigui pa dos minuut di silencio.
Rey y Reina, manera ta conoci caba, a pone un krans na nomber di henter e pueblo di Hulanda, y tambe e yiu- y nietonan a haci esaki na nomber di e sobrevivientenan, pa varios grupo di e victimanan di guera. Despues di e discurso, a sigui dos minuut di silencio pa despues canta Wilhelmus, Femke Halsema, burgemeester di Amsterdam y un hoben a tene un discurso.
Pareha Real tambe presente na ceremonia conmemorativo
Rey Willem-Alexander, Reina Máxima y Minister-President Rutte tabata presente durante e ceremonia pa recorda esunnan cu a fayece durante e guera of combate durante un servicio conmemorativo na Nieuwe Kerk na Amsterdam, unda cu Hans Goedkoop a tene su discurso di 4 di mei.
Siguientemente e pareha real a pone un krans na e Monumento Nacional riba de Dam. Na nomber di Rijksministerraad, prome minister, minister Ollongren di Defensa, Secretario di Estado Van Ooijen di Salubridad Publico, Bienestar General y Deporte y e Ministernan Plenipotenciario Thijsen, cual nomber e reportero di NOS a confundi e nomber cu di ex- Minister Plenipotenciario, Guilfred Besaril, Manuel en Panneflek di Aruba, Corsou y St. Maarten respectivamente.
