Na momento cu Geoffrey Wever a bira minister di Asuntonan Economico, Comunicacion y Desaroyo Sostenibilidad, el a haya invitacion di Digicel pa reuni. A haci esey, unda a sinta c’un delegacion y intercambia e puntonan pendiente.
Tabatin un caso den corte, cual veredicto a sali na fabor di gobierno. Digicel a demanda gobierno p’e “landing rights” y a rechasa esaki. Nan no a haya e consensus cu nan a puntra. Segun Wever, e peticion aki ta di aña 2016 y awo ta 2021, tin di puntra su mes como gobierno si esey ta good governance. “Nos tin e tarea pa handel af e peticionnan na un forma mas acelera, ta mas habri pa engage”, el a expresa.
Esaki ta algo cu tin su atencion y a pidi diferente conseho riba e topico aki. aworaki ta wardado riba e conseho y pa mira con ta bay sigui atende cu asunto di Digicil. E ta kere cu competencia ta hopi sano, y e competencia ta na bienestar di consumidor. E ta baha prijs, ta mehora calidad dje servicio. Hopi biaha tin tendencia di mira e cosnan mas beperkt, pero tin di habri e bista y mira ki otro beneficio manera competencia por trece cu ne. Na mes momento mester mira e dinamica di mercado chikito.
Minister Wever a splica riba e parti cu por aplica pa permiso, pero mester cumpli cu tur condicion. Den e veredicto tabata para no a cumpli cu cierto condicion y p’esey a rechas’e. Esey no ta significa cu nan no por bolbe purba y si entrega e dies documentonan pa bin na aanmerking pa permiso. Esaki ta cosnan cu ta evaluando y ta kere cu otro aña mester bin claridad di esaki, kico posicion di gobierno ta.
Pa un cobertura mas amplio lesa e edicion di TREMPAN di mañan.
