Diaranson atardi alrededor di 6:45 pm a sosode un accidente na altura di rotonde Fatum riba Sasakiweg. Ta entre un Kia y un Toyota. E chauffeur di e Kia pa un motibo of otro a perde timon di e stuur y bay dal tras di e Toyota Prado color blanco.
Den e Toyota un persona a resulta herida. E chauffeur di e Kia tambe tabata keha di dolor, na su man. Ambulance a presenta pa brinda atencion medico na ambos. E impacto tabata fuerte, e Kia su front a bay por completo, for di e hood, luz y hasta windshield.
Hasta airbag di e Kia a sali, debi na e impacto. Polis di trafico tambe a presenta pa documenta e accidente aki.
