Giants Aquatics lo tene su prome campeonato di landamento TYR Giants Open. Esaki lo ta e prome den su estilo pa Aruba y ta riba nivel internacional. Ta trata di un campeonato pa cual e landado riba dies aña mester tin tempo di cualificacion pa por participa.
E competencia ta conta cu pre-eliminatorio (prelims) mainta, unda cu e atleta por cualifica pa bay final anochi. TYR Giants Open ta conta cu e oficialnan di Merca, El Salvador y Curaçao, kendenan lo t’ey specialmente pa e evento aki.
Giants Aquatics ta extende un gradicimento enorme na tur sponsor cu ta kere den e vision di Giants y ta sostene e evento TYR Giants Open 2023.
Giants Aquatics ta extende un invitacion cordial na bo persona pa asisti na e evento aki cu lo tuma luga e dianan 28 di september (anochi), 29, 30 di september y prome di october 2023 (mainta y anochi). E orarionan di parti mainta ta: 10:00 am-12:00 pm y parti atardi/anochi ta 6:00-9:00 pm.
Entrada ta dos florin pa persona cu ta duna e oportunidad di gana buffet Breakfast pa dos na Palms restaurant of dinner pa 2 na Ruinas del Mar restaurant.
Bin sostene nos landadonan y experiencia un campeonato di nivel!
