Durante henter luna di mei, Ling & Sons a cuminsa cu un campaña specialmente p’e temporada di Dia di Mama cu yama Oohh Mama, un campaña cu a dura mas cu un luna.
Awe merdia a haci entrega di e premio n’e ganado. Marlene Maduro, marketing director di Ling & Sons, a comenta cu sigur ta un dia di alegria, unda cu a entrega y conoce naturalmente kende tabata e ganado di e tremendo campaña, cual ta Oohh Mama, cu tabata e campaña cu a celebra henter luna di mei y regalando un premio grandi cual ta un cushina nobo nobo, cortesia di Kooyman.
Fuera di e premio cual tabata e cushina, tabatin loke ta e Giftcard di 500 florin di Ling & Sons y tambe 50 mil punto di Fun Miles.
Ta un campaña cu por a gradici cu por a team cu Kooyman y Fun Miles, unda cu finalmente por a conoce e ganado, den persona di Ghislaine Kock.
Segun Maduro, esaki tabata un campaña diferente. Ta prome biaha cu a haci un campaña cu tabata completamente digital. E clientenan por a participa door di a registra nan mes online y asina aki haci e rifa digital.
Ling & Sons Foodmarket claramente tabata hopi contento di por a entrega e premio na Ghislaine Kock.
Ghislaine Kock mes tabata sorprendi. El a haya un yamada di un number straño. Door cu el a nota cu mensahe a drenta, el a contesta por fin y na momento cu el a haya sa cu el a gana, el a bin bij un rato p’e realisa cu t’e mes a gana e cushina.
El a indica di ta hopi contento. E idea tabata pa remodela su cushina. Awo esaki a cay net na ora. Awo e plannan mester cana mas lihe awo.
Marlenne Maduro a agrega cu tur temporada nan tin nan campañanan grandi. Un di nan di mes t’e campaña di Dia di Mama, unda cu semper nan ta regala un tremendo premio y asina aki tambe percura cu semper nan ta trece un concepto nobo, algo diferente p’e clientenan.
E biaha aki a dicidi di team up hunto cu otro compania renombra local. Den e caso aki a team-up cu Kooyman y tambe cu Fun Miles, p’asina por a duna un premio ainda mas grandi, dunando un cushina nobo, dunando e Giftcard di Ling & Sons pa por stock up e cushina y dunando tambe 50 mil punto di Fun Miles, cual awe por a mira un ganado sumamente contento di por a gana e premio aki.
campaña PA DIA DI TATA
Fuera di esey, tin campaña tras di campaña. Awo e ganado tin su premio, pero ya caba tin otro campaña cu den e caso aki t’e campaña di Dia di Tata, ta otro cu no a haci anteriormente.
E premio aki cu lo regala ta un aña di steak y cerbes gratis pa un tata.
Ta 12 voucher di 150 florin p’e por gasta riba su steak y e ta gana tambe tur luna su voucher di cerbes Modelo na Ling & Sons.
E ganado lo bay cu e premio caminda cu e lo come steak y bebe cerbes cu Ling & Sons. Un biaha mas aki Ling & Sons ta team up cu otro compania local den e caso aki Aruba Trading cu tin e cerbes di marca Modelo, p’asina por trece atrobe un campaña diferente y premio unico p’e clientenan.
Pa participa ta facil. Cu compra di 50 florin of cumprando un six pack di cerbes Modelo, bo por ta den wega. Tur informacion ta riba e pagina di Facebook di Ling & Sons, tambe riba Instagram.
FUNMILES
Area Manager di Fun Miles, Mirla Gonzalez-Passchier, a comenta cu pa Fun Miles, e campaña tabata exitoso.
Na momento cu Ling & Sons a acerca Fun Miles, no a duda pa participa. Pa nan tambe, hunto cu Kooyman no tabata un no-brainer pa join e campaña.
Mirla ta spera cu esaki por continua y por mira tambe si a haci campaña hunto, por bin cu premio mas grandi y bunita p’asina tin un bon pakete pa ofrece e participantenan.
