Diaranson atardi den Pos Chiquito Ballpark e muchanan di Liga Central Braulio Wester (LCBW) a proclama nan mes campeon di division honor den un tremendo partido di baseball. E wega a termina cu score di 5-1 pa Liga Central.
E multitud cu a presenta na Pos Chiquito Ballpark a disfruta di un duelo di picheo di parti ambos ekipo pero nan final e muchanan di LCBW a bolbe demostra di ta sa di probecha nan oportunidadnan y bay cu e victoria final aki.
Pitcher ganado:
Norberto Maduro tabata impresionante durante e Partido aki, e derecho tabata tirando un no hit no run te cu e di cinco inning caminda ANLL e tene un “emboscada” y a bolter e score na nan fabor. Sinembargo mester bisa cu Maduro a tira un tremendo partido permitiendo solamente dos hit y dos careda limpi den cinco entrada completo y a poncho shete batiado y a permiti solamente dos base por bola. Maduro a wordo releva pa Santiago Rodrigues aka “Greg Maddux” cu a drenta ful enfoca y a domina facilmente ANLL den un inning di labor.
Pitcher perdedo:
Kevin Erasmus igualmente a picha un partidaso, pero no por a keda cla cu e burdugunan di LCBW den e di ultimo inning. Erasmus a picha cinco inning y un tercio permitiendo tres hit, tres careda limpi, tres base por bola y a poncha ocho batiado. Erasmus tabata releva pa Akon Gil y Nicolas Lee cu a purba di bin paga e candela cu LCBW a cende den e ultimo inning, ambos relevista a picha un tercio di inning.
E miho batiadonan pa LCBW:
Sean Croes 3-1, incluyendo dos careda anota
Brandon de Leca 3-1 cu dos careda pusha
Nick Kock 3-1, a pusha un careda
Henry Kransen 2-1
Quin Roy Jansen 1-1, un careda anota y a pusha un careda
E miho batiadonan pa ANLL
Kevin Erasmus 2-1 cu un careda anota
Dylan Croes 2-1, dos careda pusha y un doblete
Robby Lopes-Henriquez 1-1
