Atleta Braima Suncar Dabo ta yuda Jonathan Busby, completamente agota, crusa e meta final na Doha Qatar.
Imagennan conmovedor circulando rond mundo cu e gesto di e atleta Braima Suncar Dabo di Guinea-Bissau, riba e prome dia IAAF World Championships tumando luga na Doha Qatar. E atleta aki a pone e spirito competitivo un banda pa asina asisti e atleta local Jonathan Busby di Aruba yega e liña final di 5,000m
Tanto Dabo y e Rubiano Busby ta e unico dos competidonan na Qatar representando nan respectivo pais cual e federacion a permiti participa na e championship aki, apesar di nan standard di cualificacion.
Ta menciona cu e temperatura di e aire condiciona den e stadion di Khalifa International Stadion no tabata esun mas ideal pa coremento di distancia largo, ni tampoco niun di e dos coredonan aki a cualifica na e competencia di diabierna den e 5,000m di AIFF. Tabata bisto cu Busby no lo a yega na completa e distancia. E atleta casi no tabata tene su mes riba pia y aki ta caminda Dabo a opta y sacrifica su mes un careda pa yuda su competido yega meta final.
