Relaciona cu e acontecimentonan di mas recien rond di e introduccion di BTW y e protesta di parti di e gremionan comercial pa esaki, parlamentario pa fraccion di AVP, mr. Gerlien Croes a bisa cu ta parce comosifuera e minister di finanzas no tin respet ni pa comunidad ni pa gremio comercial.
Aki pues e parlamentario a referi na cu recientemente minister Maduro a informa cu e gremionan, particularmente Camara di Comercio, no tin e informacion completo tocante introduccion di BTW. El a referi aki na e echo cu Camara di Comercio ta organisando charla pa informa pueblo di esaki siendo cu e informacion final, “cu tur respet, ta ora cu e minister di finansas bin y splica bo.”
Segun Croes a splica, e gremionan ta sumamente preocupa cu e situacion na nos pais. Como miembro di parlamento, fraccion di AVP tambe ta preocupa p’e manera cu e gobierno aki ta andando cu e situacion na nos pais, tumando e decision di firma un landspakket y introduci un lista di medida y “na momento cu comunidad ta wordo informa…di kico ta spera e cartera di e pueblo…di banda di gobierno ta manera nan kier sconde y tapa locual nan ta bay bin cu ne pa locual ta medida pa e cartera di comunidad.”
Pa un relato mas amplio, lesa bo proximo edicion di TREMPAN.
