Diahuebs Fundacion pa Hende Muhe den Dificultad, tabata tin un anochi informativo riba un workshop cu nan lo cuminsa cun’e. Nan a cuminsa caba for di 2016, cual ta ofrece na hende muhenan pa empodera nan mes, duna nan e hermentnan pa nan por establece nan mes un poco mas.
Segun Maria Carrasquilla, trahado social di Fundacion pa Hende Muhe den Dificultad, e curso aki lo cuminsa dia 2 April, cual ta un curso di 8 les, cual ta wordo parti den dos biaha pa siman.
E fundacion a bin cun’e mirando cu e tempo ey, na 2016 kier a cera un grupo cu por conta cu otro, cu por duna e hende muhenan un sosten y pa nan sigui padilanti, no importa kico el a pasa aden, no importa e situacion. Y si bo no ta pasando den un situacion asina, con por ta miho cada dia. A base di esey a cuminsa cu e workshopnan aki, cual di esakinan tin uno na April, pero tambe lo sigui uno na Juni y Augustus.
Diahuebs tabata un oportunidad pa esnan interesa pa inscribi na e tres lunanan menciona, cual lo bay tin e curso aki.
E workshopnan aki ta totalmente gratis. Esun di April lo bay ta na MFA Santa Cruz y lo bay tin tres dia cu lo bay ta na MFA Noord. E lo bay ta 8 encuentro dos biaha pa siman, cual ta diamars y diahuebs.
Si en caso un persona masculino cu ta desea di join, por haci esaki. Semper nan ta Welcome.
Pa loke ta e fundacion mes, nan tin hopi proyecto, hopi trabao. Tin hopi plan di concientisacion. Nan ta sigui cu e proyecto “Kibra Silencio”, tambe nan ta sigui manda informacion riba nan pagina di facebook. E fundacion ta keda activo y keda informa nos comunidad y lo keda haci’e tambe, pa trece e concientisacion y keda papia di e problematica cual ta violencia domestico.
E testimonionan treci dilanti di violencia domestico ta yuda hopi, pa mas hende trece e problema aki dilanti.
E topico di violencia domestico mester papia riba dje, no por keda keto. Ta pensa un rato si e persona ey, a sali for di un situacion asina dificil, pakico un otro no. Esaki ta touch hendenan cu ta pasando por ta den un abuso, y bisa cu awo e ta reconoce of e tambe ta pasando aden y tin un luga cu hendenan por yud’e sali for di esey. Sigur sigur, esaki ta yuda, Carrasquilla a splica.
