Algun tempu pasá lider di frakshon di MAN, señora Elsa Rozendal, a bini ku e proposishon pa laga pone un bòrchi ku deskripshon di e historia di nos héroe nashonal Tula na e megapier ku ta karga su nòmber.
Ta importante pa turistanan ku ta bishitá nos pais konosé nos historia i historia di nos héroenan nashonal. Den e kaso aki pa konsientisá i eduká e turista riba kiko Tula a nifiká pa e lucha pa libertat di nos pueblo. Mirando e echo ku e Megapier ta karga nòmber di Tula, pa Frakshon di MAN tabata eminente pa laga pone un bòrchi ku e historia di Tula tambe na e Megapier. Señora Elsa Rozendal i frakshon di MAN ta gradisí gerensia di CPA ku mesora a adoptá e idea i hasi esaki un echo.
