Tres persona indocumenta mas deteni dilanti Centro Dakota

Tres persona kedando indocumenta na Aruba, a keda deteni awe den oranan di atardi durante un control inespera riba un vehiculo.

Diamars atardi riba Avenida Milio J. Croes polis a para Van di un compania di huur auto pa un control rutinario di trafico. Durante e control e chauffeur si por a mustra su documentacion.

Den e auto tabatin otro tres persona cu t-shirt di compania di huur auto pero nan no por a mustra nan papelnan di estadia legal. Personal di Warda Nos Costa (WNC) a controla  nan nomber den sistema y no por a haya nada di nan.

Polis a escolta e tres hombernan paden di Centro Dakota, cu tabata algun meter for di unda a para e vehiculo pa control.