Diabierna 26 di april 2024 pa 7:00 am (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Gran maestro di e condecoracionnan. Por otorga un condecoracion na e personanan cu a duna un contribucion special na e sociedad.
E aña aki lo condecora 18 Rubiano. E ‘Lintjesregen’ na Aruba ta tuma luga awe. Lo condecora e siguiente persona como ‘Officier in de Orde van Oranje-Nassau’:
• señora Nicole Lucia Maria Hoevertsz.
Lo condecora e siguiente personanan como ‘Ridder in de Orde van Oranje-Nassau’:
• señor Hendrikus Antonio Eldemiro van Gaalen;
• señor Ricardo Omar Gogorza;
• señor Gerard Leendert van Vliet;
• señora Annemarie Johanna van Vliet-Melchers.
Lo condecora e siguiente personanan como ‘Lid in de Orde van Oranje-Nassau’:
• señor Ronald Paul van den Berg;
• señor Hugh Drummond Connor;
• señora Désirée Geneviève Croes;
• señora Jeanette Violette Ivony Croes-Fingal;
• señora Swinda Martha Claire Dumfries;
• señora Martha Esmeralda Gomez-Winterdaal;
• señora Mirtha Maria Cabrini de Haseth-Bislik;
• señor Edgard Cristobal Kelkboom;
• señora Wilma Valeria Kuiperi-Jansen;
• señora Gertruida Margarita Lampe-Jansen;
• señora Helena Carmen Maduro;
• señor Robert Anthony Reeberg;
• señor Dionisio Fecito Richardson.
Tocante Orde van Oranje-Nassau:
E Orde van Oranje-Nassau tin un historia rico cu ta data di 1892, ora Reina Emma a institui e orden. E meta tabata pa honra ciudadano meritorio pa nan contribucion na sociedad Hulandes. E orden ta tuma su nomber di e Cas di Oranje-Nassau, e Famia Real di Hulanda.
For di su creacion, e orden a conoce varios cambio, incluyendo ampliacion di e cantidad di titulo y ahuste den e criterio di adjudicacion. E orden tin diferente grado, incluyendo Ridder, Officier y Commandant, y tambe e grado mas abou, como Lid y Ridder der Eerste Klasse.
Durante e añanan, e orden a keda otorga na un amplio gama di hende, incluyendo cientifico, artista, politico, personal militar y lidernan civico. Ta un forma pa Hulanda expresa nan gratitud pa e esfuerso – y meritonan di su ciudadanonan.
Cu tempo, tambe a bin cu diferente reforma pa modernisa e orden y adapt’e na e norma- y balornan social cu ta cambia. Sinembargo, e orden ta keda un reconocemento importante di merito y servicio na sociedad.