Nos ta di bishita na e mundo maraviyoso aki pa un rato so, mientras nos ta bay recoriendo e camindanan di amistad y amor, e despedida tambe ta yega mas cerca di nos.
Un trayectorio impecabel y recuerdonan di sublime dedicacion lo representa cada momento. Gratitud ta keda atras pa asina representa su esfuerso y bunita trabou cu el a eherce cu amor y respet.
Colega y alumnonan a sali pa duna Juffriuw Rita Sutherland su ultimo saludo dilanti e school cu tabata tin e placer di por a traha cun’e y cu lagrima na wowo a despedi’e di dje.
Su ayudo y aporte na enseñansa sigur a keda aprecia, cu luz eterno lusa su caminda pa descanso eterno.
