Frakshon di MAN resientemente a hasi un bishita di trabou na Curacao Medical Center pa haña un bista kon henter e proseso di konstrukshon di nos hospital ta avansando.
Frakshon a haña un presentashon den kual a duna informashon riba diferente trayektonan ku ta tumando lugá i ku lo mester bai tuma lugá. Un di esnan mas importante ta esun di transishon. Na final di e presentashon tékniko, a hasi un rekorido den e hospital. Frakshon di MAN ta konvensí for di tur loke e a tuma nota di dje ku aki ta trata aki di un hospital “state of the art” i ku aparatonan moderno.
Frakshon ta kontentu ku a pone atenshon na aspekto di seguridat den e hospital pero tambe ku a tene kuenta ku e aspektonan di durabilidat i medio ambiente. Frakshon di MAN ta sumamentu satisfecho kon e trabounan ta kanando pa pronto e hospital nobo lo por habri su portanan pa duna pueblo di Kòrsou un servisio i kuido na nivel.
