Selikor su flota ta basta grandi. Si ta papiando di recogemento di sushi di cas, tin mas of menos 21 truck di sushi ekipa cu por haci e trabao di recoge sushi.
Segun managing director di Selikor, Wesley Kook, pa sushi di empresa, tin e mesun tipo di trucknan aki. Tin mas of menos 3 truck pa recoge sushi di empresa. Hunto por bisa cu ta 24 truck di sushi cu por recoge e desperdicio cun’e.
E cas y empresanan, tur tin ekiponan cu nan mester entrega e sushi den dje cu ta wordo yama Minicontainer, of depende di e empresa, containernan mas grandi. Pero tur manera e coleccion di sushi, hopi biaha ta bay semiautomatico, caminda cu e empleado no tin nodo di drenta den contacto cu e sushi. Pero den e container ta pone e container na e truck y e truck mes ta maneha e sushi te ora cu e yega landfill pa descarg’e bek.
Na cantidad di cas, segun Kook, por conta mas of menos 75 mil cas cu tur siman mester haya servicio. E compania, si no tin di hera, tin rond di mil pa 1500 compania cu tin contracto cu nan.
Tur esaki, e trabao ta wordo haci rond di 300 persona.
Selikor ta un compania cu a keda funda na 1996 y desde e tempo ey a bira un compania riba su mes. Di estado, pero tur cos ta keda dirigi conforme cualkier otro compania ta draai. Segun Kook, te dia di awe, ta crece e compania a keda crece, tanto na cliente, na entrada tambe y na e resultado final.
Competencia
Selikor tin competencia riba mercado di compania. Tur compania ta liber si cera un contract, sea cu Selikor, of cu cualkier otro negoshi cu nan kier cera contract cu nan pa deshaci di nan sushi.
Segun Kook, e sistema specialisa di truck di sushi, personal entrena y henter e maneho cu ta dirigi riba maneho di sushi riba un manera moderno y manera responsabel, en berdad tin cu bisa cu por ta Selikor ta e unico compania cu ta draai riba e nivel ey.
Awo si no kier servicio di Selikor?
Recogemento di sushi di cas, no tin escogo. Selikor ta bin y ta derecho di e ciudadano. Ta conta cu tur hende ta entrega nan sushi na e compania aki. Esey ta conta pa sushi di cas. Pero un empresa si ta liber pa cera un convenio cu cualkier compania cu e kier. Pero sushi di cas si, ta tur hende ta obliga pa entrega sushi na Selikor.
E pensamento su tras ta cu bo kier tin toch un nivel y un manera di hiba e maneho di recoge sushi di cas. Sushi, hopi biaha, vooral den camindanan pobla manera den bario, pero tambe den centro di ciudad, dificilmente por distingui ken ta anda corecto cu sushi y ken no.
Hopi biaha bo no kier lage liber tampoco pa un hende dicidi na esun cu ta entrega sushi corectamente sea na Selikor of bay landfill y djis su bisiña no haci’e, laga e sushi acumula riba caya.
Kier tin toch un nivel di higiena y servicio. Gobierno a apunta Selikor cu e tarea ey y door cu ta un compania di gobierno, dimes tin cu hiba e maneho cu e gobierno lo kier hiba riba e parti di maneho di sushi y tin cu tene cuenta cu reglanan di higiena, reglanan di un bon compania y tambe reglanan cu ta sirbi tur hende igual, pero toch responsabel y eficiente.
