Diahuebs merdia, Parlamento di Aruba, riba peticion di Minister di Husticia, Rocco Tjon a trata henter e asunto di helicopter di polis. Pero un reunion cu a sosode cu ‘porta cera.’, pues un ‘besloten bijeenkomst.’
Parlamentario di MEP, Alvin Molina a indica cu e helicopter ta djis un di e hermentnan. Pero esun mas importante ta e agentenan mes, es decir Cuerpo Policial mes. Den nan mester inverti mas, den nan enseñansa, nan posicion huridico y nan material.
Tin algun di e Altocomisarionan cu a compronde esaki hopi bon y e material cu e hendenan mester, mescos t’e caso di e Altocomisario actual.
Pa loke ta trata cualkier otro herment den Cuerpo Policial, p.e. e auto- y e brommmernan. Ta importante pa sa tene cuenta cu cual partner Cuerpo Policial ta traha cu ne. Mester haci un bon investigacion si e compania tin un bon reputacion y no tin un relacion cu Ministerio Publico.
Den caso di e helicopter, tabata un compania di Venezuela, SAEDIE, cu tambe a pasa den un screening riguroso, nan tambe mester a entrega nan documentonan necesario y Aruba tambe mester a haci investigacion. E tempo ey, no tabatin motibo pa obhecion contra di e compania aki.
