Manera nos a publica siman pasa, minister Rocco Tjon a tuma decision pa suspende Emilio Geerman for di su funcion di ta ‘Belast let de leiding’ di Korps Brandweer Aruba (KBA). Den esaki tambe a prohibi su entrada na tur facilidad di Cuerpo di Bombero pa un maximo di seis siman mientras tin investigacion interno.
Nos a puntra parlamentario Shailiny Tromp-Lee (fraccion MEP) durante conferencia di prensa dialuna mainta kico lo haci den caso aki di Geerman cual a keda deteni pa stuur auto burachi, pa buracheria publico y pa menasa-insulta un polis den funcion.
“Mi no sa si boso a haci e pregunta aki na minister Rocco Tjon, e ta e minister encarga cu e persona en cuestion.” Parlamentario Tromp-Lee ta bisa cu e tin etendi cu Geerman a haya berdad su prohibicion pa entrada y tambe a kita auto di trabao for di dje, sigur tambe cu reglanan disciplinario cu a tuma luga of inicia. Dus lo tin cu warda esey pero segun Tromp-Lee ta minister Tjon lo por elabora mas extenso riba kico ta su intencion riba e tereno aki.
“Mi ta kere si un persona ta comete loke ta treci pa dilanti, e stapnan cu mi a menciona ta esunnan corecto pa cana.”
