En conexion cu e bishita Real na Aruba, a dedica un bunita evento cultural na Famia Real riba Plaza Padu y tambe na e show di Bonbini Festival na Fort Zoutman. Como cu ta prome biaha cu Prinses Amalia ta bishita Aruba, Fort Zoutman a luci un bunita ‘video-mapping’ na honor di e prinses.
E ‘video-mapping’ a consisti di potretnan di e prinses hunto cu e diferente diseñonan cu nos por admira riba nos escudo, bandera, riba nos casnan floria y tambe tegels di e casnan tradicional di Aruba.
Gobierno ta gradici e Comision Real y Elite Productions pa e bunita gesto y obra di arte aki na honor di Prinses Amalia. E ‘video-mapping’ ta un manera innovativo pa proyecta arte riba nos edificionan monumental, cu a wordo masha bon ricibi pa e publico presente.
