Dialuna mainta Polis a haya yamada di City Inspector pa un auto marca Ford modelo Explorer cu tabata staciona banda di un container dilanti di Don Elias Mansur Ballpark na Dakota.
Na yegada di Polis a topa e auto para cu porta habri. Bisiña a conta cu algun tempo atras a haya un ilegal drumi den e auto burachi. E tempo ey Polis a detene e persona ilegal y nan a laga e auto para eynan.
Probablemente a deporta e ilegal for di Aruba y consecuentemente e auto a keda bandona para atras. Polis awor lo mester check kico pa haci e auto, cu a keda “sin doño” atras y ta bira propiedad di adictonan cu ta uz’e na nan antoho, haciendo e bario insigur.
