Mañan diahuebs Corte den Prome Instancia lo trata e caso pro forma contra e homber C.J.I., kende ta ofrece su servicionan na Aruba como chaman. Ta acus’e di violacion y abuso sexual.
Na november 2021 e sospechoso a viola y abusa sexualmente di tres persona durante su practicanan chamanistico. El a haci mal uzo di e autoridad cu e como chaman tabatin riba e personanan aki y tambe di e confiansa cu nan a pone den dje.
Ministerio Publico ta tene cuenta cu posiblemente tin mas hende cu a bira victima di e chaman aki, pero cu no a sali padilanti ainda. Si abo ta un di e personanan aki y bo tin deseo di haci denuncia, bo por tuma contacto cu JZP (Jeugd en Zedenpolitie) mesora.
Bo kier sa kico ta un chaman? Lesa e edicion di TREMPAN di mañan.
