Un situacion fastioso a surgi den area di Playa na momento cu un turista a cay y herida su mes. El a haya un kap basta profundo na su cachete cu tabatin mester di atencion inmediato.
Esaki a tuma luga den careda di 6:15 pm den Havenstraat, patras di Royal Plaza. Tabata trata di un turista di crucero cu tabata den e area disfrutando di nos isla. Polis a presenta y mira e seriedad di e situacion. A pidi pa ambulance pero lamentablemente nan no por a warda mas.
A tarda asina hopi cu nan a dicidi di cancela e ambulance y a opta pa cana bay bek pa e crucero pa asina pidi asistencia abordo.
