Diabierna alrededor di 8:20 pm polis a presenta un poco mas pabou di Linear Park riba L.G. Smith Boulevard pa un brommer color blanco haciendo “fever” riba caminda. Parce cu den e proceso e vehiculo a perde control y a bay dal den un auto marca Hyundai modelo i-10 color shinishi numera A- 13531.
Chauffeur di e Hyundai a bisa cu el a mira e brommer ta core basta iresponsabel y a mira e brommer ta bin riba dje. Mesora a hala na su banda rechts pasobra sino e brommer lo a dal frontal den dje. E motociclista a resulta herida. A sufri un cap na su cabes cu tabata sangra bastante. Un persona den e area a core yud’e y a kita su paña pa asina por a stop e sanger na su cabes.
Ambulance a presenta na sitio pa brinda asistencia medico avansa y a transporta e motociclista pa hospital. Polis di trafico a presenta tambe pa tuma datos di e accidente.
