Diasabra anochi alrededor di 8:45 pm a sosode un accidente na altura di rotonde Macuarima. Un auto marca Mitsubishi modelo Lancer color shinishi, numera A-24767 a dal den un otro vehiculo cu tabata biniendo for di direccion contrario.
E impacto tabata asina fuerte cu el a dal e auto te cu a kentel den banda. E pasaheronan den e vehiculo mes a logra pusha e auto y pone bek riba su cuater tairanan. E otro auto ta un SUV color blanco numera A-19485. E chauffeur di e SUV a conta cu, e auto a bin straight riba dje y e no por a evit’e.
Tanto e chauffeur como su pasaheronan a resulta levemente herida, cu algun rasca na curpa. E chauffeur di e Mitsubishi Lancer a ricibi un trato special di polis. A deten’e y transport’e pa ward’i polis, mirando cu ta sospecha cu e ta bou influencia di un of otro substancia. Daño material tabata basta. Polis di trafico tambe a presenta pa documenta e accidente aki.
