Despues di e exitoso torneo internacional Aruba Chess Challenge recientemente teni na Aruba, diasabra awor e federacion di ahedrez lo tin un otro activid pa tur su miembronnan den e grupo B y C den nan Clubhuis na Nieuwstraat 11. Manera anuncia anteriormente e torneo lo ta pa e hungadornan di grupo B y C, mientras e torneo aki ta denconexion cu e celebracion di e ASU Olimpiada 2017. E torneo ta programa pa inicia 12.30 di merdia y lo termina te cu 4.30 di atardi. Hungadornan den e gruponan menciona ta invita pa bin participa na e torneo aki. Lo premia e mihor 3 hungador den cada grupo un medaya di oro, silver y brons.
Cada dia e deporte di ahedres ta crece y bira mas grandi pa loke ta miembronan nobo. Tambe nos ahedristanan ta presta den bon forma den torneonan internacional esaki den tur edad.
Recientemente e federacion di ahedres a organisa nan di 12 edicion di e prestigioso “Aruba Chess Challenge”, e torneo internacional di ahedres mas grandi riba nos isla cu a conta cu participacion di Corsow y Venezuela. Nos ahedristanan a hasi un bon papel logrando varios medaya incluyendo agun di Oro conkista pa Eldrick Donatay ThamaraSagastegui.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di ahedres enconexion cu e ASU Olimpiada 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
