Departamento di Asuntonan Economico/IDEA a organisa dos dia di workshop tocante “Business Model Canvas” y “Innovative Funding” pa negoshinan micro, chikito y mediano, den cuadro di e proyecto COSME (Caribbean Overseas Small and Medium Enterprises), cu a tuma lugar na Departamento di Asuntonan Economico, riba 26 y 27 maart 2018.
E proyecto di COSME ta un programa cu ta financia door di e fondonan regional di Union Europeo cu ta destina specialmente pa e OCT-nan (Overseas Countries and Territories) desde april 2014.
E programa tin tres obhetivo specifico:
- Fortalece e capacidad di e gobiernonan miembro di OCT den Caribe, pa asina duna servicio na e sector di comercio.
- Mehora e capacidad di e “Business Service Organizations (BSOs)” pa nan por drenta den e maneho publico/priva. Tambe mehora e dialogo cu gobierno tocante reforma administrativo y duna servicio na e miembronan di e SMEs.
- Promove un colaboracion mas fuerte cu comercio y promove un relacion di inversion mas fuerte entre Union Europeo, CARIFORUM y e “Caribbean OCTs”.
E moderador tawata Sr. Michael Seepersaud. Sr. Seepersaud ta e Lider di Grupo y Experto Principal di e consultancy Steinbeis. Esaki di acuerdo cu e programa di COSME. E ta responsabel pa promove un colaboracion mas fuerte cu comercio tambe promove un relacion di inversion entre Union Europeo, CARIFORUM y e “Caribbean OCTs”.
Sr. Seepersaud ta un economista entrena y profesional den e ramo di maneho – cu mas di 30 aña di experiencia – dunando sosten na e desaroyo di e negoshinan micro, chikito y grandi. Sr. Seepersaud tin un PhD den Economia. Tambe e tin un certificacion specialisa riba tereno di “Entrepreneurship”, “Design Thinking for Business Innovation” y “Innovation and Entrepreneurship” (EIT Digital).
E topiconan cu a wordo trata durante e training tawata lo siguiente:
“Business Model Canvas”:
A: Definitional Framework of Business Model Innovation
B: Illustration of the Business Model Canvas
C: The Building Blocks
D: Navigating your environment (video)
E: Proving it (video)
F: Telling your story (video)
“Innovative Funding”:
A: The problem
B: What is Innovative Financing: Cases- Airbnb; Uber
C: 11 ways to finance your Business
D: Incubator/Accelerator
E: Venture Capital
F: Angel Investing: 6 facts about Angels
G: Customer Funded Models
H: Crowdfunding
I: The Changing Landscape
Un total di por lo menos 16 persona a participa na ambos tayer.
IDEA ta gradici sr. Seepersaud y coleganan di DEZHI cu a yuda pa haci e workshop aki posibel. Un danki special ta bay pa nos coleganan Clarina Geerman y Xavier Boekhoudt. Tambe IDEA ta gradici sra. Nereida Alcira Guanipa pa e dushi Cupcakenan di “The Cupcake garden Aruba”.
Keda pendiente y sigui nos riba Facebook pa mas tayer den futuro.
