Rosalynn Carter, ex-prome dama y casa di ex-presidente Jimmy Carter, a fayece awe na edad di 96 aña na su cas na Plains, Georgia. Carter Center a informa esaki den oranan di atardi.
Carter Center ta un NGO funda door di e pareha Carter.
“Rosalynn tabata mi pareha den tur loke mi a logra,” e ex-presidente a reacciona bisando. “E tabata duna mi conseho y encurasha mi ora cu tabata necesario. Mientras cu Rosalynn tabata band’i mi, mi tabata sa cu tin un hende cu ta stima y apoya mi.”
Hunto nan tabatin tres yiu, diesun nieto y diescuater bisanieto.
