Awe nochi despues di 11:00pm a manda un patruya di polis na altura di Noord pa un chauffeur burachi cu a dal su auto y kier a sigui bay. Na e sitio a constata cu ta trata aki di ex-Minister drs. Paul Croes. El a kap e taira di su Ford Explorer y segun polis, e tabata mustra basta bebi.
A detene na e sitio mes bou sospecho di tabata stuur bou influencia di alcohol. A transport’e pa ward’i polis di Noord pa eynan present’e dilanti un Sub Fiscal. E ultimo no a mira necesidad di mantene e ex-Presidente di Parlamento y Minister di Labor encarcela. A bis’e si derechonan y a lag’e den libertad.
Segun version di Paul Croes, berdad el a kap su taira. El a yama Nagico Roadservice pa bin cambia su taira. Diripiente polis a yega detene sinta tra’i stuur cant’i caminda. El a sigura di no tabata stuur. No a haci test di alcohol cu ne, pero si a lag’e bay mesora.
Foto cortesia masnoticia.com.
