Diasabra anochi alrededor di 10:00pm a pidi presencia di polis cu urgencia ma altura di edificio di Parlamento di Aruba pa un pelea. E prome unidad di polis cu a yega na e sitio a constata cu e bringadonan a bandona e sitio caba. Parce tabata dos grupo cu a bringa cu otro a move caba.
Ambulance a presenta mesora pa brinda cuido, mientras cu polisnan a core tur rond buscando e bringadonan. Ta papia cu a uza baranca pa tira riba auto di otro. Un di e autonan tabata un KIA Picanto cu number A-19700 pero no a logra topa cu ne.
Polis tin atencion pa e caso aki. Lo investiga con e pelea aki a tuma luga y ken ta e bringadonan envolvi.