Parlamentario a trata presupuesto y a toca e temanan di husticia como labor. A trata e parti di altocomisario di cual tin candidato. Alvin Molina di MEP a entrega un mocion.
Parlamentario di MEP Alvin Molina a enfoca mas riba husticia, Cuerpo Policial Aruba (KPA na Hulandes), specialmente riba liderazgo den KPA. Den top di KPA tin hopi scarsedad, pero tin un grupo den e middenkader di mas di 40 polis. Nan mes mester haya no solamente oportunidad, pero mester duna nan e responsabilidad pa yuda carga e Cuerpo. Aki falta liderazgo y mester hende pa yuda carga KPA.
Si por mira den e ultimo par di añanan aki ta e siguridad di Aruba gran parti ta den man di Cuerpo Policial. Molina a expresa cu esaki ta danki na e coleganan fo’i midden kader bay abou cu eigenlijk ta garantisa e siguridad. Su persona no ta culpa e top management, pasobra nan ta sigui cu tur cos di tur dia manera falta di personal, Covid, scarsedad di fondo. Nan tin cabes yen y esey ta bin door cu no tin suficiente hende den top.
Molina a entrega un mocion p’e coleganan den middenkader por haya locual nan merece. Nan tin cierto funcion, pero duna nan elogio of e rechtspositie cu ta pertenece na e funcion cu nan ta haciendo.
ALTOCOMISARIO
Minister di Husticia a nombra Ramon Arnhem p’e posicion di altocomisario y segun Molina, pa prome biaha el a wak esaki diaranson. E CV di Arnhem ta uno basta extenso y n’e momentonan aki e ta comisario dje region Ijsselland, Hulanda. Ta parce cu e tin su experencia cu e lo por tuma un funcion asina. E minister tin un comision cu ta atendiendo cu e proceso. Si nan ta di acuerdo cu esey, minister ta duna oke, e lo bin eherce e funcion pa tres aña.
Pa mas lesa TREMPAN.COM.
