Diasabra dia 2 di December un biaha mas lo organiza un evento anual: Experience San Nicolas, pero e biaha aki dedica na e luna festivo di December. Pa cuminsa cu e ambiente e alumno nan di EPB San Nicolas lo cuminsa cu un evento pa 5PM. Esaki lo ta prome cu e evento di Experience San Nicolas pa asina por taste e creación di e alumnonan.
E alumno nan di EPB San Nicolas a prepara dushi 3 mocktails pa asina nan competi pa gana e miho mocktail di e atardi aki. E 3 grupo nan final ta consisti di Milienne Ras, Rose Delva, Deborah Cecilia, Axl Maduro, Ina Haayen, Iza Principaal y Julianny Frias.
E almuno nan lo duna un presentation di kiko nan mocktail ta consisti y despues lo traha un pa asina e juradonan y esnan presente tambe por purbe. E mocktail ganador tambe lo ta bay ta disponibel na e cafe den Cosecha cu lo habri su portanan pronto.
Bin pasa un atardi diferente y sostene e alumno nan di EPB San Nicolas y despues gosa di un ambiente festivo y cu un sabor cultural na San Nicolas. No perde e anochi aki y bishita San Nicolas dia 2 december.
Pa mas informacion por tuma contact cu Cosecha San Nicolas na telefoon 5878708 of Museum Industrial na 5847090 of tambe por email na [email protected].
