Den careda di 5or di marduga, Polis a wordo manda cu urgencia den direccion di e caminda di Kibaima Tanki Flip yegando rotonde di Ex Drive Inn. E melding tabata cu un auto a bolter. Na yegada a topa cu un auto cuater wiel den laira. E chauffeur tabata herida benta riba vloer. E no tabata comunica. Polisnan cu a yega a pidi presencia mesora di ambulance. Un ambulance a presenta na e sitio. E persona tabata medio zwaai man cada biaha. Tabata sospecha cu e ta bou influencia. E persona aki ta traha na un compania di seguro. E tabata bay direccion riba e caminda. El a baha caminda na man drechi y dal den un baranca parti esaki den dos y bolter. A benta full un mata abou tambe prome cu el a bolter.
