E gran ganado di e eleccion regional ta e partido di mas nobo BBB (BoerBurgerBeweging), segun un encuesta haci door di Ipsos. Tambe e combinacion di GroenLinks/PvdA lo yega e cantidad di asientonan aki. E miembronan di e Provinciale Staten (representantenan di e provincianan) na fin di mei lo eligi nan representantenan pa Eerste Kamer.
Tin tur indicacion cu GroenLinks lo a keda stabiel riba 8 asiento y PvdA lo a crece cu un asiento, pa un total di shete (7) asiento. E combinacion di e dos partidonan di iskierda (liberal) awo lo tin un asiento mas di loke nan tin actualmente den Eerste Kamer.
IPSOS
E coalicion di VVD, CDA, D66 y ChristenUnie a perde segun e encuesta aki ocho (8) asiento. VVD, cu anteriormente tabata tin diesdos (12) asiento, awo lo a baha na dies (10), CDA lo a baha di nuebe (9) pa cinco (5) asiento y D66 ta perde un (1) asiento. CU a perde un asiento y a keda na tres (3).
PVV (anteriormente cu 5) awo lo keda cu cuater (4), mescos cu PvD, cu a bay dilanti cu un (asiento) compara cu 2019. SP segun e encuesta lo perde un asiento y ta keda cu tres (3). Tambe e nobato JA21 (3) y Volt (2) lo haci nan entrada den Eerste Kamer.
Forum voor Democratie lo baha di diesdos (12) pa dos (2), cu ta un perdida di dies asiento. Segun e resultadonan preliminar algun partido, Onafhankelijk Politiek Nederland, SGP y 50Plus, lo ta net na e rand di e asiento y lo por haya net uno.
Na 2019 no a logra saca un asiento pa Eerste Kamer.