Parce cu coremento bao influencia di alcohol a bira un tendencia den e ultimo temponan. Esaki a sosode tambe riba Green Corridor unbiaha mas ora cu polis a para dos chauffeur ta core burachi riba caminda.
Diamars marduga, mientras cu polis tabata hincando un chauffeur bebi den transportwagen riba na Mahuma, nan a nota un otro auto biniendo fo’i pariba riba e mesun caminda, coriendo na un manera iresponsabel.
Di biaha polis a sali bay su tras n’e rotonde di Ser’i Tijshi, pa warda riba e auto, cu tabata un aut’i huur v-957.Un rato despues e auto Hyundai Verna a subi e rotonde fo’i pariba y sigui bay direccion e rotonde na Mahuma.A sali su tras mesora y un poco pabao di e rotonde di Sero’i Teishi, polis a pone baha caminda.
A pone e chauffeur supla di biaha, cu resultado no mucho faborabel p’e. Polis a pone tanto chauffeur como e pasahero baha for di e auto y a detene e chauffeur pa core auto bao influencia di alcohol.El a subi den transpotwagen unda cu el a compaña e otro chauffeur, deteni un rato prome n’e otro band’i caminda.
