Mientras cu Premier di Aruba no tabatin tempo pa papia cu prensa na su salida di reunion den Eerste Kamer, president di e Comision di Relacionnan den Reino pa Eerste Kamer, Paul Rosenmöller (Groen Links) a indica den un entrevista na 24ora.com diamars cu Hulanda tin comprension pa e situacion financiero precario di Aruba como consecuencia di e pandemia y debe cu mester a adkiri pa, pero ta confia na mesun momento cu nos isla lo sa di tuma e pasonan necesario. Den guia cu Hulanda a papia riba diferente scenario pa paga e 900 miyon florin cu Aruba debe y a compromete pa paga na 2023. Den mesun rosea, e politico Hulandes a confirma cu lo tene debido cuenta cu e problemanan social cu afrontando.
Rosenmöller a indica cu a sostene un combersacion sincero cu Prome Minister Evelyn Wever-Croes den transcurso di e dia riba temanan di interes comun; specificamente riba debe cu a aumenta door di pandemia y e ayudo cu Hulanda a duna den termino di financiamento. Tambe a papia riba cumplimento fiscal, con algun sector ta fayando y con por remedia esaki pa aumenta e entrada di e pais. Otro punto di combersacion tabata e problematica social. Esey ta un situacion cu, segun e parlamentario Hulandes, ta ripiti den henter e Reino tras e pandemia y cu a conduci na pobresa te hasta bou di esunnan cu tin un trabou.
Pa loke ta e topico di dispensacion di debe, Rosenmöller a indica cu ta posibel pa papia, sinembargo e ministernan di Aruba a haci hopi duidelijk cu no kier uza e palabra ‘kwijtschelding’ ya cu Aruba tin un tradicion den esaki, pero di otro banda e fiansa di Hulanda no tin interes, contrario na esunnan haci riba mercado di capital. Asina mes tin un compromiso pa den proximo aña paga e debe bek y tin diferente scenario cu a papia di dje y con pa ehecuta nan.
Pa e relato completo, lesa edicion di TREMPAN