Bingo Aruba a dicidi cu lo cera aña 2022 cu un “broche de oro” y lo reparti mas di shen mil florin durante e ultimo bingo di aña. Tur esaki lo tuma luga dia 18 di december 2022 cuminsando pa 6: 00pm, manera semper, e bingo ta presenta pa Ofo Escudero.
Durante di e conferencia di prensa a elabora ariba e meta principal di e bingo cual ta pa yuda dies instancia of fundacion cu den un manera of otro mester recauda fondo.
Bingo Aruba lo pone e premio completo di shen mil florin (AWG. 100.000,-) disponibel na fabor di dies instancia of fundacion cu ta desea di participa pa bende bingo y recauda e fondo necesario pa por logra nan meta. Tuma contacto na 5944412 pa mas informacion of si ta desea di registra un instancia of fundacion.
Den pasado caba, Bingo Aruba a percura pa cumpli cu diferente donacion na instancianan y fundacionnan local den necesidad, algo cu sigur e “Give Back Bingo” aki lo percura di haci den un scala mas grandi.
E bingo lo costa shen florin y lo consisti di dies wega y cada wega lo tin seis chens pa gana. E premionan ta lo siguiente:
Wega 1 lo paga dies mil florin (Fls. 10.000,-)
Wega 2 lo paga dies mil florin (Fls. 10.000,-)
Wega 3 lo paga dies mil florin (Fls. 10.000,-)
Wega 4 lo paga dies mil florin (Fls. 10.000,-)
Wega 5 lo paga dies mil florin (Fls. 10.000,-)
Wega 6 lo paga dies mil florin (Fls. 10.000,-)
Wega 7 lo paga dies mil florin (Fls. 10.000,-)
Wega 8 lo paga dies mil florin (Fls. 10.000,-)
Wega 9 lo paga dies mil florin (Fls. 10.000,-)
Wega 10 lo paga dies mil florin (Fls. 10.000,-)
Ta conta cu un total di shen mil florin na premio. Hunto cu esaki, entrante 6 di december 2022 Bingo Aruba lo conta cu “12 dia di premio” unda cu lo ta repartiendo diferente premio pa diesdos dia largo. Un danki special ta bay na Stellaris Casino cu a haci e “12 dia di premio”aki posibel.
Mester remarca cu ta prome biaha den historia cu un bingo na Aruba y den Caribe ta regala un magnitud di premio pa cada wega individual den un bingo.
Pa reservacion di carchi di bingo por tuma contacto na (+297) 6999914 of manda nos un WhatsApp cu bo nomber, fam y e cantidad di e carchi cu ta desea di reserva. Carchi di “Give Back Bingo” lo subi riba mercado entrante 1 di december 2022 na tur punto di benta di Bingo Aruba.
