Aki na Aruba tin e lema: Dushi Bida. Esaki ta mantene na mayoria di e personanan lo mas relaha posibel atrabes di nan bida. Si algo no sosode awe, e lo pasa mañan.
Tempo ta un concepto relativo. Si bo tin un cita pa 10’or en punto y bo ta show up mas laat, esey no ta un problema. E acuerdonan por cambia na ultimo momento. E palabra deadline tin poco of ningun balor. Esaki ta conta den bida personal pero tambe na pia di trabao. Si nos wak bida personal, esaki por ta hopi reparador pa gran mayoria di e sociedad Arubiano.
E ta un escogencia di cada un, con e ta yena su dianan y con e ta anda cu otronan. Pero dado cu e forma di bida aki filtra pa e luga di trabao, esaki hopi biaha ta conduci na un mentalidad di trabao debil.
Den e sector comercial, hende ta bringa duro contra esaki. Ta usa tecnologia pa controle empleadonan. Esaki por haci’e por medio di un dispositivo electronico di verificacion na e luga di trabao, cu ta funciona cu un sistema di fingerprint of di reconocimento facial.
Dicho dispositivonan ta mantene exactamente e frecuencia cu bo ta yega laat y cuanto ora exactamente bo a traha, loke por supuesto, por afecta e salario mensual.
Ta mantene mas y mas agenda electronico. Aki tur sa unda e mester ta na ki ora. E citanan ta miho structura pa por cumpli cu nan miho. Atrabes di e agenda aki, e doño di trabao tambe por verifica con tan productivo cada trahado ta. Cada luna por haci un impersion di tur e asuntonan aki pa por verifica con cada empleado a traha. Esakinan ta algun di e formanan cu e sector comercial ta usa pa traha lo mas profesionamente posibel y di e manera aki, probecha mas tanto posibel di cada empleado.
Tur esaki ta pa mantene e servicio proporciona pa e empresa riba un nivel halto.
Pero si nos wak den e sector social y e funcionarionan aki na Aruba, poco of nada ta wordo haci di esaki. Dicon e no ta wordo haci, ta un pregunta hopi fastioso unda cu no tin un contesta. Parce cu trabao no ta wordo tuma na serio, dado cu placa no ta wordo gana di inmediato. E mentalidad di trabao relaha ta loke ta goberna den e sectornan di trabao aki, debi na e falta di control y liderasgo solido. E resultado di esaki ta empleadonan demotiva, presion halto laboral, ausentismo halto laboral, hopi dia di AO y un mal ambiente na e luga di trabao. Esnan cu ta sufri di esaki ta e grupo obhetivo, e sociedad di Aruba.
Personanan ta papia di crisis social y di hopi poco trahado, pero no ta mira e mentalidad laboral di e trahadonan den e diferente posicionnan. Preguntanan manera con halto ausentismo ta? Cuanto ora a wordo traha precisamente? Kico a wordo haci cu autonan di compania? Cu ki frecuencia uno ta yega demasiado laat? Cual ta e ambiente di trabao na e oficina of empresa?, no ta wordo puntra. Ora cu nos haci e preguntanan aki, e departamentonan no a mira un contesta cu no ta wordo cumpli. No ta trata solamente di e empleadonan, sino tambe di e dunadonan di trabao y e politiconan responsbel.
Investigacionnan realisa pa institucionnan di investigacion manera: Motivaction (un compania Hulandes cu ta realisa investigacionnan den diferente doelgroep den comunidad y na trabao) ta mira un sociedad pa investiga diferente estilo di bida.
Segun Motivaction, tin 8 estilo di bida diferente cu ta determina cualnan ta su obhetivo y como cada persona ta maneha e responsabilidad na trabao.
