KLM lo ofrece menos ticket p’e vuelonan cu lo sali for di Schiphol den e dianan binidero. Esaki ta debi n’e presion constante na e aeropuerto. Diaranson Schiphol a presenta un plan di maneho pa asina ora di zomer, cu semper ta druk, tur cos por cana mas miho.
No ta asina cu lo cancela e vuelonan cu lo sali for di Schiphol te cu diadomingo proximo, pero ta trata di solamente un limitacion. Den e dianan binidero, lo por bende solamente algun vuelo limita cu ta sali for di Schiphol, segun un vocero a informa. Esaki lo ta pasashinan mucho mas costoso.
Rij largo
KLM ta tuma e medida pa asina crea espacio pa reservacionnan di nobo. Por ehempel ora c’un persona perde su vuelo door di e tempo di espera largo, e lo por bay den e siguiente vuelo. Algun pasahero kier hasta tuma un otro vuelo, segun e vocero di KLM a splica.
E compania a splica cu nan ta haya hopi pregunta di e clientenan cu a wak e rijnan largo cu mester pasa e puntonan di siguridad. Na e personanan aki lo ofrece un reservacion nobo”, segun e compania di aviacion.
Mas personal, mas salario
Schiphol mes a bin c’un plan di maneho pa asina prepara nan mes pa e drukte di e temporada di zomer. E aeropuerto lo contrata mas personal y cu miho pago, di locual ta e caso aworaki. Mas aleu, Schiphol kier drecha e fluho di pasahero.
Pa ta miho prepara pa e temporada druk, Schiphol lo kier yega na un miho planning di e vuelonan y redirigi e vuelonan na e aeropuertonan regional.
Cuanto vuelo Schiphol of e companianan mester anula pa minimalisa e presion ainda no ta conoci y ta depende di cuanto personal nan contrata.
Pa contrata personal, ya caba tin varios campaña di contratacion, segun e aeropuerto. Otro luna lo tin un campaña nacional pa asina haya personal pa traha den e departamento di siguridad, maneho di maleta y di limpiesa. Riba 11 di juni lo tin un jobfair na Schiphol.
