Ta exactamente cuarenta aña pasa, na aña 1982, cu e klas di polis aki a huramenta y a subi caya. Varios top recherche di Cuerpo Policial Aruba, a sali for di e mesun klas aki. Awendia solamente un di nan ta traha activamente como polis, esta Boy Boezem, mientras cu un miembro di e klas a hasta fayece caba, esta Juni de Freitas.
Ayera e grupo a topa na La Laguna Restaurant na Aruba Hilton Resort and Casino. Ey e grupo a haya un bon chens pa combersa personalmente cu otro, despues di dos aña cera den cas door di e pandemia. A felicita nan colega Boy cu ainda ta activo como recherche. A analisa algun desaroyo di ultimo tempo, den comparacion cu nan tempo.
Pa un relato mas amplio, subi Tremapn.com
