Na warda di polis Santa Cruz a presenta un señora pa entrega denuncia cu a horta su auto, un Nissan March color biña scur. El a splica polis di a ricibi su auto dia 21 mei, pero a presta esaki na conoci cu e tabata presta auto caba.
El a pidi e persona pa trece su auto bek, pasobra e mester bay pasa e plachi number riba auto, e persona aki no a trece. Esun cu a fia e auto a splic’e cu el a bebe y laga e auto na cas di un amigo, kende ta biba na Sabana Liber 33. E auto tabata para dilanti e cas y den dia nan no a mira esaki mas.
Aunke ambos a entrega keho, doño di e auto ta sinti cu e storia no ta cuadra. Ultimo biaha cu a mira e auto tabata dia 25 di mei para dilanti Sabana Liber 33. Doño di auto ta ofrece recompensa p’esun cu por a mira su auto. E ta un Nissan March, man drechi (RHD) color biña scur, numera A-17538 y number di chasis ta K13-004281. Si un persona mira e auto por tuma contacto na 7479969.
